චූටි නම් වූ විසල් මිනිසා

© Willem de Kooning
© Willem de Kooning

චූටි චූටි හීන වලට
චූටි ඉඩක් හොයාගන්න
චූටි දෙනෙත් පියාගන්න
චූටි වෙලාවක් මදිවිද
චූටි……………………?
චූටි කුරුල්ලන් අතරේ
චූටි චූටි සටන් පාඨ
චූටි හොටින් මුදාලන්න
චූටි උගුරෙ හිරි ඇරපන්
චූටි……………………..
චූටි පියාපත් තුරුලට
චූටි සිඟිත්තිය අරගෙන
චූටි හිනා පොදි ගහගෙන
චූටි කැදැල්ලෙන් බැහැපන්
චූටි……………………..
චූටි හදවතින් ඉහිරෙන
‘චූටි‘ කවක හඬ වෙනුවෙන්
චූටි පපුව පිරිමදින්න
චූටි වෙලාවක් දීපන්
චූටි……………………..
චූටියට දෙකක් ඇණගෙන
චූටියට දුමක් ඇද ඇද
චූටි කඩල ඇට ගනින්න
චූටි ඇඟිලි දිග ඇරපන්
චූටි.
2014 අප්‍රේල් 19.
Advertisements