Maathrukaawak nethi Maathrubhuumiya in Tamil

POEM – MAATHRUKAAVAK NETHI MAATHRU BOOMIYA IN TAMIL
TRANSLATED BY M.RISHAN SHAREEF

மொழிபெயர்ப்புக் கவிதை

தலைப்பொன்று இல்லாத தாய்நிலம்

தமிழ் மண்டைகளுக்கு
விளையாட்டாக வெடி வைக்கும்
இளைய இராணுவத்தினரே
மென்மையானவையா அந்த ஆயுதங்கள்

சூதாட்டத்துக்கு இடம் திறந்த
குரூர யுத்த நிலக் கிடங்கு
சீட்டுக்கட்டுகளுக்கு அருகில்
சீட்டாட்டக்காரர்கள் நிதமும்

கட்டிப் போட்டாலும் இரு கண்களை
விரியும் இரு விழிகள்
பல்லாயிரக்கணக்கிலாகும்
கட்டிப்போட்டாலும் இரு கரங்களை
கையை மடக்கித் துணியும் இரு கரங்களும்
பல்லாயிரக்கணக்கில்

நிர்வாணமாக குண்டு துளைக்கும்
துளைத்து தாய்நிலத்தை முத்தமிடும்
மனித வாயொன்றிலிருந்து எழும்
இறுதி வேண்டுதலினூடு
நிர்வாணமாயுள்ளது யுத்த ஆடை

தமிழ் மண்டைகளுக்கு
விளையாட்டாக குண்டு வைக்கும்
இளைய இராணுவத்தினரே
மென்மையானவையா அந்த ஆயுதங்கள்

மூலம் – மஞ்சுள வெடிவர்தன (சிங்கள மொழியில்)
தமிழில் – எம்.ரிஷான் ஷெரீப்,
இலங்கை

Advertisements